საფრანგეთში საერთო ეროვნული გაფიცვაა მაკრონის „უნივერსალური“ საპენსიო სისტემის წინააღმდეგ

საერთო ეროვნულმა  გაფიცვამ საფრანგეთში, რომელშიც მილიონობით მუშაა ჩართული, გამოიწვია ტრანსპორტს გაჩერება, სკოლების და საავადმყოფოების, ასევე სხვა დაწესებულებების მუშაობის შეფერხება.


5 დეკემბრის, ბოლო წლებში უდიდესი გაფიცვის, მონაწილეები პროტესტს გამოხატავენ საფრანგეთის პრეზიდენტის, ემანუელ მაკრონის გეგმის წინააღმდეგ, შემოიღოს „უნივერსალური“ საპენსიო სისტემა.


გაფიცვის გამო მთელ საფრანგეთში შეფერხდა საჰაერო მიმოსვლა, გაუქმდა მატარებლების და ავტობუსების მოძრაობა, პარიზის მეტროს უდიდესი ნაწილი არ მუშაობს, პარიზის სკოლების მესამედი დახურულია. 

ემანუელ მაკრონს სურს „უნივერსალური“ საპენსიო სისტემის შემოღება, რითაც გააუქმებდა ზოგიერთი სექტორის საგანგებო რეჟიმებს, როცა მუშებს შედარებით მაღალი პენსია ენიშნებათ და პენსიაში გასვლა ადრე შეუძლიათ.


პროფკავშირების აზრით, ამგვარი რეფორმის შედეგად მილიონობით მუშას მოუწევდა საპენსიო ასაკის (62) შემდეგაც მუშაობა და შეუმცირდება პენსია.


მთავრობის თანახმად, მთელ ქვეყანაში დაგეგმილია 250 დემონსტრაცია, რომელთა ნაწილი შეიძლება ძალადობრივი იყოს. 6 ათასამდე წესრიგის დამცველია განთავსებული მხოლოდ პარიზში, სადაც ორი დიდი დემონსტრაცია ტარდება.


1995 წლის გაფიცვის შედეგად, რომელიც ასევე მთავრობის რეფორმების წინააღმდეგ იყო მიმართული, ხელისუფლებამ დათმო და უარი თქვა რეფორმის გატარებაზე.