“ლიბერალი” ფინანსური პრობლემების გამო შესაძლოა დაიხუროს
“განიხილება ვარიანტი, რომ დაიხუროს. და თუ გავაგრძელებთ, როგორ გავაგრძელებთ”, - ეუბნება რადიო თავისუფლებას ლიზა ჟვანია, “ლიბერალის” აღმასრულებელი რედაქტორი, რომელიც ამ პოსტს დაახლოებით 4 თვეა იკავებს.
ჟურნალი „ლიბერალი“ ბეჭდური სახით 2009 წელს გამოჩნდა, რამდენიმე წლის შემდეგ კი გამოცემა მთლიანად ონლაინ პლატფორმაზე გადავიდა. “ლიბერალის” ჟურნალისტები არაერთხელ გამხდარან საერთაშორისო და ადგილობრივი ჟურნალისტური პრიზების მფლობელები. 2019 წლის ზაფხულში გამოცემა თითქმის სრულმა სარედაქციო გუნდმა დატოვა, გენერალურ დირექტორთან, შორენა შავერდაშვილთან განსხვავებული სარედაქციო ხედვების გამო.
“გავეცანი „ლიბერალის“ შიდა სამზარეულოს და მივხვდი, რომ პრინციპულად არ ვეთანხმებოდი მათ ფინანსურ თუ ადმინისტრაციულ პოლიტიკას”, - წერდა თავის ყოფილ გუნდზე შორენა შავერდაშვილი.
ბოლო შვიდი წლის განმავლობაში “ლიბერალს” ორი ლოიალური დონორი ჰყავდა - ჯორჯ სოროსის “ღია საზოგადოების ფონდი” და “დემოკრატიის მხარდაჭერის ეროვნული ფონდი” (NED).
შორენა შავერდაშვილი რადიო თავისუფლებასთან მხოლოდ “ლიბერალის” ფინანსურ პრობლემებს ადასტურებს და დამატებით კომენტარს არ აკეთებს.