ლუკაშენკა: ბელარუსი არ აპირებს მოძმე რუსეთის შემადგენლობაში შესვლას

ბელარუსის პრეზიდენტმა ალექსანდრ ლუკაშენკამ დაადასტურა, რომ მის ქვეყანას სურს სტრატეგიული პარტნიორობა რუსეთთან, თუმცა ამ ეტაპზე არ მიმდინარეობს ერთობლივი პარლამენტის შექმნის შესახებ მოლაპარაკება.


5 დეკემბერს პარლამენტის წევრებთან შეხვედრისას ლუკაშენკა შეეცადა გაექარწყლებინა რიგითი თანამოქალაქეების შეშფოთება, რომ ქვეყანა შეიძლება მიდიოდეს საბჭოთა კავშირის კვლავ აღდგენისკენ.


ლუკაშენკა პარლამენტში გამოვიდა რუსეთის პრეზიდენტ ვლადიმირ პუტინთან შეხვედრამდე სამი დღით ადრე. რუსეთის და ბელარუსის ლიდერები აპირებენ მოილაპარაკონ სამომავლო ინტეგრაციაზე რუსეთ-ბელარუსის ერთიანი სახელმწიფოში, რომელიც 1990-იანი წლების შემდეგ მხოლოდ ქაღალდზე არსებობს.


„არავინ არასოდეს მოაწერს ხელს დოკუმენტს, რომელიც ჩვენ გვავნებს, თქვა ლუკაშენკამ, რომელიც თავის ქვეყანას მეოთხედი საუკუნეა მართავს. „არასოდეს დაგვიგეგმავს სხვა ქვეყნებთან, რუსეთის ჩათვლის, რომელიც მოძმე სახელმწიფოა, შეერთება“, -დასძინა მან. პუტინს და ლუკაშენკას არაერთი შეხვედრა ჰქონიათ ამ თემაზე. ბოლო შეხვედრაზე ხაზი გაესვა იმას, რომ პარტნიორობა თანასწორუფლებიანობის პრინციპს უნდა ეფუძნებოდეს.


ბევრი რიგითი ბელარუსიელი გამოხატავს შეშფოთებას, რომ მოსკოვთან მეტი ინტეგრაცია სუვერენიტეტის სახიფათო შესუსტებას მოიტანს.