ირანელ ბუნების დამცველებს სხვადასხვა ვადით პატიმრობა მიუსაჯეს სისხლიანი დემონსტრაციების ფონზე
ამის ფონზე ირანში საწვავის ფასის გაზრდის გამო გამართული დემონსტრაციების დროს ხალხი დაიხოცა.
ბუნების დამცველები, კონსერვაციონისტები, 22 თვიანი პატიმრობის შემდეგ გაასამართლეს „აშშ-ის მტრულ სახელმწიფოსთან კავშირის გამო“, ავრცელებს ცნობას ნიუ-იორკში მოქმედი ირანში ადამიანის უფლებების დაცვის ცენტრი.
ცენტრის აღმასრულებელი დირექტორის, ჰადი ღამის თანახმად, „დანაშაული , რაც ჩადენილ იქნა კონსერვაციონისტებთან დაკავშირებით, არის მათი უკანონო დაპატიმრება, მათ მიმართ სასტიკი და არაადამიანური მოპყრობა გახანგრძლივებული პატიმრობის დროს, დამამცირებელ საკნებში, ასევე მათი უფლებების უარყოფა სასამართლოს დროს, ყალბი განაჩენები და სასჯელი, მტკიცებულების თუ კანონის მოთხოვნების გათვალისწინების გარეშე, ამბობს ღაემი.
იუსტიციის სამინისტროს წარმომადგენელმა, ღოლამჰოსეინ ესმაილიმ განაცხადა, რომ გარემოს დამცველებს აქვთ შესაძლებლობა განაჩენები გაასაჩივრონ თეირანის რევოლუციურ სასამართლოში.
ბრალდებულები ველური ბუნების დაცვის სპარსული ფონდის წევრები არიან. ფონდის მიზანია საფრთხეში მყოფი ცხოველების დაცვა და საზოგადოებაში მათ შესახებ ცნობიერების ამაღლება. ისინი ბრალდებას უარყოფენ. ადამიანის უფლებების დამცველი ჯგუფები მთელ მსოფლიოში შეუერთდნენ მეცნიერებს, რომლებიც მოწოდებით გამოდიან, გაათავისუფლონ კონსერვაციონისტები.