Şevçenko Kyiv universitetinde qırımtatar tili ve edebiyatını ögrenmege devam etecekler – Korınevıç
Korınevıçnıñ qayd etkenine köre, «Qırımtatar tili ve edebiyatı» programmasını yoq etkenler yoq».
«Bu yılnıñ soñunda (KMU-de – QA) bu programma qapatıla, çünki iş vaqtı bitti. Bu normal bir şey», – dep qayd etti Korınevıç.
Onıñ aytqanına köre, qapatılacaq programma yerine «2017 senesinden berli olğan «Qırımtatar tili ve edebiyatı» programması kelecek, o, bar ve çalışmağa devam etecek».
«Programma 2020-2021 oquv yılına Qabul qaidelerine kirsetilecek ve 2020 senesi sentâbr ayından başlap studentler oqumağa devam etecek ve bu programmağa kirecek», – dep aytıla Korınevıçnıñ haberinde.
2016 senesi oktâbr ayında Şevçenko Kyiv milliy universitetiniñ Filologiya institutında Qırımtatar tili ve edebiyatı merkezi ve ağzaviy tercime zemaneviy tehnologiyalar laboratoriyası açıldı.