Ўзбек-тожик чегарасидаги заставага ҳужум “шубҳали” деб баҳоланди
Тожикистон Миллий хавфсизлик давлат қўмитаси матбуот хизмати ҳужум қилган шахслар “Ислом давлати” террор гуруҳи жангарилари бўлиб, улар Афғонистон ҳудудидан махсус топшириқ билан ўтганини маълум қилган. Қуролли жиноий гуруҳнинг 15 нафар аъзоси йўқ қилингани, беш нафари қўлга олингани хабар қилинган.
“Узоқ вақт Россия оммавий ахборот воситалари маълум миқдордаги террористлар Суриядан Афғонистонга улоқтирилгани ҳақида роса ёзди. Террористлар ҳам шунча аҳоли пункти қолиб, Ўзбекистон чегараси яқинидаги заставага ҳужум қилибди. Нима эмиш: “энг қулай жой эмиш”. Ҳозир ҳам асосан Россия оммавий ахборот воситалари ёзаяпти”, дея воқеликка теранроқ баҳо беришга ишора қилди Davletov.uz канал. Блогер ушбу ҳодиса Тошкентда МДҲ махсус хизматлари раҳбарлари учрашуви арафаси рўй берганига ҳам эътибор қаратган.