Алишер Усмоновнинг уюшган жиноятчилик билан алоқаси ҳақида ёзган журналист қидирувга берилди
Бу ҳақда тергов хулосалари билан танишган адвокатга таяниб "Интерфакс" агентлиги хабар берди.
Тергов гуруҳи хулосаларига кўра, журналист асли ўзбекистонлик миллиардер Алишер Усмонов ҳақида била туриб ёлғондан маълумот тарқатган.
Гап, эҳтимол, ер юзидаги энг бой одамлардан бирининг уюшган жиноятчилиққа алоқадор бўлгани ҳақидаги хабар атрофида бормоқда.
2018 йил декабрида Алишер Усмонов суд орқали Russian Criminal сайтидан у ва Шакро Молодой номи билан танилган криминал авторитет Захарий Калашов ўртасидаги алоқаларга тааллуқли мақолаларни олиб ташлашга муваффақ бўлганди.
Бундан ташқари, терговчилар версиясига кўра, Шварев қозоғистонлик бизнесмендан 50 доллардан кўпроқ маблағни товламачилик йўли билан тортиб олган.
Адвокатлар маълумотига кўра, журналист Латвияда даволанмоқда.
Душанба куни суд уни сиртдан қамоққа олиш масаласини кўриб чиқади.
Ҳимоя томони Шваревга қарши илгари сурилган айбловларни уйдирма, жиноят ишини эса – топшириқ деб ҳисоблайди.Журналист айбловни буткул рад этмоқда.
Шу йилнинг апрель ойида полиция ходимлари "Росбалт"нинг Москвадаги идорасини афтидан Усмоновга алоқадор иш доирасида тинтув қилганди.