Sudaqta quru ot yana edi, ateş deyerli bir gektarlıq alannı qapladı - qurtarıcılar
"Avgustnıñ 20-sinde saat 16:52 kelgen beyanatta, Sudaq dağ ve av hocalığında çölde ot yanğanı bildirilgen edi, küçlü yel olganından sebep ateş tez tarqala edi", - denile bildirüvde.
Yanğınnı söndürmek içün 17 qurtarıcılarnı ve 5 maşnanı yolladılar.
"Bir saat içinde yanğın tarqalamaşını toqtatıp oldılar. Zararlanğan ve elâk olğanlar yoq", - dedi Rusiye FVN-niñ Qırım baş idaresiniñ reberi Aleksandr Yefremov.
O, afta başından berli Qırım quru ösümlik 8 kere yanğanını qoştı.
Daa evel bildirile edi ki, Rusiye nezaretindeki Sudaq akimiyeti, Qapsihor (Morskoye) köyünde olğan yanğınnıñ zararını saydı. Böylece, şeer memuriyetiniñ malümatına köre, etraf müitine tiygen zararnıñ miqdarı 1 million 800 biñ rubledir. Yanğında, Rusiye Qızıl itabına kirsetilgen Pitsunda çam terekleri yandı.