ნიკა გვარამია: ორშაბათიდან ვიწყებთ ჟურნალისტებთან ხელშეკრულებების გაფორმებას
მისი სიტყვებით, ის „ამბიციურ ტელევიზიას“ აკეთებს და ამისათვის ინვესტორები უკვე ჰყავს:
„ინვესტორები - არის, ანუ ფული გვაქვს. შენობა - რუსთავი 2-ზე უკეთესი, ტექნიკაზე ხო ლაპარაკი ზედმეტია. კრიტიკული და საუკეთესო არხი ცხვება. მთავარი ხალხი, ვინც რუსთავი 2-ს აკეთებდა, ბორტზეა და გავდივართ. აწი ხვეწნას არ ვაპირებ. ვინც აახტებით მიმავალ გემს და გამარჯვებულ ნავში ყოფნას ისურვებთ, თქვენი გადასაწყვეტია. მეორე არჩევანი - ივანიშვილის ტელევიზიაა. მერე არ თქვათ, რომ არჩევანი არ გქონდათ და კრედიტი და შვილებს რა ვაჭამო არ მოიმიზეზოთ. მოკლედ, იყავით ჩვენთან ერთად და მოიპოვეთ ჩვენთან ერთად თავისუფლება. P.s. ბოლო ოთხის სიტყვა მთავარი არხის სლოგანია“, - წერს ნიკა გვარამია.
20 აგვისტოს ტელეკომპანია „რუსთავი 2“-ის გენერალურმა დირექტორმა პაატა სალიამ არხის რამდენიმე თანამშრომელი გაათავისუფლა. მათ შორის, „კურიერის“ საინფორმაციო სამსახურის უფროსი, ნოდარ მელაძე. 20 აგვისტოს, ტელეკომპანია დატოვეს „კურიერის“ წამყვანებმა დიანა ჯოჯუამ და მიხეილ სესიაშვილმა.