БДИ вакытында су эчәргә дә ярамый?!
БДИлар видеокүзәтү астында үткәнлектән, аларны күзәтеп утыручылар Татарстанда берничә хилафлыкка тап булган. Бер егет имтихан вакытында су эчәргә дип парта артына кулын сузган, ә икенче кыз шоколад ашарга дип үрелгән. Моны күзәтүчеләр шунда ук шик астына алып, тикшергән.
Бер кыз исә телефоннан җавап карамакчы булып, телефонын кулыннан төшереп җибәрә. Видеокүзәтүчеләрне бер егет тә пошаманга сала. Имтихан башланып, берничә минут узуга ул кулына ручкасын, телефонын алып кабинеттан чыгып китә. Баксаң, ул текстны 2 сәгать 15 минутка алданрак язып бетергән икән.