Шарманда – Зидан …
«Реал» вингери Гарет Бэйлнинг агенти Жонатан Барнетт мадридликлар устози Зайниддин Зиданни қескин танқид қилди. Гап шундаки, Зидан сўнгги интервьюларидан бирида Бэйлнинг тез кунларда жамоадан кетишига шаъма қилганди.
“Шарманда – Зидан. У «Реал»га кўп нарса берган инсонга нисбатан хурматсизлик кўрсатмоқда. Бэйл жамоадан кетишга яқинми? Биз бунинг устида ишламоқдамиз”, – дейди Барнетт.
Эслатиб ўтамиз, уэльслик футболчи 2013 йилда «Тоттенхем»дан 100 млн. евро эвазига Мадрид клубига трансфер қилинганди. Ҳозирда унга, «Манчестер Юнайтед», «Интер», «Ювентус» клублари қизиқаётгани ҳақида хабарлар тарқалган. Шунингдек, 30 ёшли футболчининг «шпорлар» сафига қайтиши мумкинлиги ҳам айтилмоқда.