პაკისტანში პოლიციის შენობას და საავადმყოფოს დაესხნენ თავს, მოკლულია რვა ადამიანი
რვა დახოცილს შორის ოთხი პოლიციელია, დაშავებულია 30-ზე მეტი ადამიანი. ოლქის პოლიციის უფროსმა, სალიმ რიაზმა რადიო თავისუფლების პაკისტანურ სამსახურს უთხრა, რომ თავდამსხმელები მოტოციკლებით მიიჭრნენ პოლიციის შენობასთან და ცეცხლი გახსნეს, სადაც ორი პოლიციელი მოკლეს. ამ თავდასხმის შემდეგ თვითმკვლელმა ქალმა ბომბი ააფეთქა საავადმყოფოს შესასვლელში და ექვსი ადამიანი შეიწირა, მათ შორის კიდევ ორი პოლიციელი.
ექიმების თქმით, მსხვერპლის რიცხვი შეიძლება გაიზარდოს. მომხდარზე პასუხიმგებლობა იკისრა პაკისტანის თალიბანმა.