Шомырбаш мәктәбендә Иван Дмитриевич Новиков истәлегенә мемориаль такта ачылды
Узган шимбә көнне Шомырбаш мәктәбендә зур тантана булды.
Мәктәпнең элеккеге директоры Иван Дмитриевич Новиков истәлегенә мемориаль такта ачылды. Ул хәзерге мәктәпнең нигезен салган, бик күп талантлы, хезмәт сөючән, игелекле кешеләр тәрбияләгән шәхес. Укучылары, укытучылар, илебезнең төрле төбәкләреннән кайткан кунаклар педагог турында бик күп җылы сүзләр әйттеләр.
Бу мәктәптә төрле елларда шагыйрь Я. Емельянов, генерал-майор А.Яковлев, профессорлар В. Горохов, А.Кибяков, П. Абрамов, С.Шәрипов белем алганнар.
Мемориаль тактаны тантаналы төстә мәктәп директоры Светлана Прокофьева, Иван Новиковның улы Геннадий ачтылар. Соңыннан бу игелекле шәхес хөрмәтенә ясалган аллеяга көмешсыман чыршылар утыртылды.
Фото: http://balakovo24.ru/в-школе-№6-откроют-мемориальные-доски/