რუსთაველი გადაკეტილია - საპროტესტო აქციაზე ხალხმა იმატა

რუსთაველის გამზირზე მიმდინარე აქციაზე გამომსვლელები ერთმანეთს ენაცვლებიან. ხალხის რაოდენობამ იმატა - გადაიკეტა რუსთაველის გამზირის სავალი ნაწილიც. 


ცოტა ხნის წინ დემონსტრანტებს მიმართა გიორგი მშვენიერაძემ, "საქართველოს დემოკრატიული ინიციატივის" დამფუძნებელმა და "თავისუფლების გამავრცელებელი საზოგადოების" ერთ-ერთმა ლიდერმა და განაცხადა, რომ ანტისაოკუპაციო აქციის მონაწილეთა მოთხოვნები უცვლელია.



შს მინისტრის გადადგომა 20 ივნისის აქციაზე დაკავებულების გათავისუფლება მსჯელობის დაწყება პროპორციულ საარჩევნო სისტემაზე გადასვლასთან დაკავშირებით.


„ჩვენ ვართ თავისუფალი ერი, რომელიც ორ საუკუნეზე მეტია ვებრძვით ჩვენს ფსევდო ერთმორწმუნე ერს. ჩვენ უნდა გავიწმინდოთხელისუფლებისაგანაც, რომელიც ხშირად აივსება ხოლმე რუსული ნარა​ტივებით და უნდა გავიწმინდოთ ჩვენი სულებიც", - განაცხადა მშვენიერაძემ.​




რუსთაველის გამზირზე შეკრებილებს მიმართა რეჟისორმა გიორგი შენგელაიამაც, რომლის განცხადებით, შეიქმნა საინიციატივო ჯგუფი, რომელმაც შეიმუშავა დადგენილება შემდეგი მოთხოვნებით:


1. ჩამოერთვას ბიძინა ივანიშვილს საქართველოს არაფორმალური მმართველობა ჩამოერთვას;


2. აიკრძალოს პოლიტიკური პარტია "ქართული ოცნება";


3. გადააყენონ შს მინისტრი, იუსტიციის მინისტრი და შეიარაღებული ძალების ხელმძღვანელი;


4.საქართველოში აღდგეს სამართლიანი სასამართლო  და გაუქმდეს ივანიშვილის უკანონო გადაწყვეტილება იუსტიციის საბჭოსთვის მოსამართლეების უპირობო დანიშვნის უფლება;


5. დაინიშნოს რიგგარეშე არჩევნები.


აქცია რუსთაველზე გრძელდება.