მომიტინგეთა ნაწილი არ დაეთანხმა აქციის დროებით შეწყვეტას
„თავისუფლების გამავრცელებელი საზოგადოების“ მიერ გამოცხადებულ გეგმას მიკროფონის გამორთვასთან და აქციის დროებით შეწყვეტასთან დაკავშირებით არ დაეთანხმა აქციის მონაწილეთა დიდი ნაწილი.
„მიკროფონი, მიკროფონი“ - ყვიროდნენ ისინი.
აქცია ჯერ "მეგაფონის" დახმარებით გაგრძელდა, ხოლო შემდეგ რუსთაველის გამზირზე დარჩენილებმა მიკროფონის ჩართვის ორგანიზებაც მოახერხეს.
ამ ეტაპზე აქცია ისევ გრძელდება და ისმის მოწოდებები ბიძინა ივანიშვილის ბიზნესცენტის მიმართულებით მსვლელობასთან დაკავშირებით.