ქართულ ოცნებას” უნდა, რომ კობახიძეს შეახოცოს ეს ყველაფერი“ – ოპოზიცია გახარიას გადადგომას ითხოვს
ქართულ ოცნებას” უნდა, რომ კობახიძეს შეახოცოს ეს ყველაფერი“ – ამის შესახებ განცხადება გაერთიანებული ოპოზიციის წევრმა, გიორგი ვაშაძემ გააკეთა. ის ოპოზიციის სხვა წევრებთან ერთად ნიუ ჰოსპიტალში მივიდა, სადაც ამ დროისთვის აქციაზე დაშავებული რამდენიმე ათეული პაციენტი მკურნალობას გადის.
გიორგი ვაშაძის განცხადებით, გუშინ ხელისუფლებამ დასაჯა ხალხი. გიორგი ვაშაძის თქმით, მხოლოდ კობახიძის გადაყენება საკმარისი არ არის და ყველა სხვა მოთხოვნა, რომელიც გუშინ აქციის მონაწილეებს ჰქონდათ, უნდა შესრულდეს, მათ შორის არის შს მინისტრის გადაყენება და პროპორციულ საარჩევნო სისტემაზე გადასვლა.
„აი, ახლა ვიმყოფები ნიუ ჰოსპიტალში. რა პასუხს გასცემენ იმ თვალებდათხრილ და ყბებდამტვრეულ ადამიანებს, რომლებიც აქ არიან და ვინ არის ამაზე პასუხისმგებელი. კობახიძე იყო ერთ-ერთი მოთხოვნა და პირველი პირობა შესრულებულია და ძალიან კარგი. მაგრამ დღეს 7 საათზე დღეს უნდა შევკრიბოთ იმისთვის, რომ ეს ძალადობა არ შერჩეთ იმ ადამიანებს, ვინც ეს ჩაიდინა. ეს არის გახარია და აქვე ეს არის პროპორციული საარჩევნო სისტემა, რომ ქვეყანა დაადგეს დემოკრატიის გზას,“ – განაცხდა გიორგი ვაშაძემ.
რამდენიმე წუთის წინ ცნობილი გახდა, რომ თანამდებობა პარლამენტის თავმჯდომარემ ირაკლი კობახიძემ დატოვა. განცხადება “ქართული ოცნების” ოფისში კახა კალაძემ გააკეთა. განცხადებას წინ უძღოდა რამდენიმე საათიანია პოლიტსაბჭოს სხდომა.