ოფიციალური სტატისტიკით აპრილში საქართველოს ეკონომიკის ზრდა 5,1% იყო

საქართველოს სტატისტიკის ეროვნული სამსახურის წინასწარი შეფასებით, 2019 წლის აპრილში წინა წლის შესაბამის პერიოდთან შედარებით რეალური მთლიანი შიდა პროდუქტის ზრდამ 5,1% შეადგინა. 2019 წლის პირველი ოთხი თვის საშუალო რეალური ზრდა 4,8%-ით განისაზღვრა.


სტატისტიკის სამსახურის ინფორმაციით, 2019 წლის აპრილში, წინა წლის შესაბამის პერიოდთან შედარებით ზრდა შეინიშნებოდა ვაჭრობის, ტრანსპორტის, საფინანსო საქმიანობის, უძრავი ქონებით ოპერაციების და მომხმარებლისთვის სხვა მომსახურების გაწევის სფეროებში. კლება იყო მშენებლობის დარგში.