ИИБнинг навбатдаги баёноти: машина ёнғинларининг бирортаси олд чироқлар билан боғлиқ эмас! (+Видео)
Кечанинг ўзида машиналар билан боғлиқ 4 та ёнғин ҳолати содир бўлди. Ҳар куни бу ҳолат қайта-қайта такрорланмоқда. Бироқ Ички ишлар вазирлиги мутасаддиларининг топиб олган гапи битта: «Бу ёнғинларнинг бирортаси ҳам машиналарнинг олд чироқлари ёқиб юрилгани туфайли келиб чиқмаган!»
Кеча бўлиб ўтган брифингда ҳам худди шу гап такрорланди. Уларнинг тўтиқушдан такрорлаётган бу гапи машина эгаларини тинчлантира олармикан?! Ёки машиналар ёниб, ўнлаб одамлар тириклайин куйиб кетганидан сўнг бу ҳолга чора кўриладими?
Қани кўрамиз, кўмирни қордек оппоқ деб таъкидлаш қачонгача давом этаркан?!