Алдағы демалыс күндері ауа райы қандай болады?
Синоптиктер 2019 жылдың 1-3 маусым аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Атмосфералық фронттардың өтуімен жаздың бірінші демалыс күндерінде Қазақстанның көптеген облыстарында найзағаймен өткінші жаңбыр, бұршақ және желдің екпінді күшеюі болжанады. Ауа температурасы аздап төмендеп, орташа көпжылдық мәнге жақын болады", - делінген хабарламада.
Бірақ батыс облыстарында жауын-шашынсыз ауа райы күтіледі, температура климаттық нормадан 3-6 градус жоғары болады.