«Իրատես». Փաշինյանի կեղծ օրակարգը՝ ՀՀ-ում իրապես երաշխավորված անկախ դատական համակարգ
«ՀՀ վարչապետ Նիկոլ Փաշինյանը ս. թ. մայիսի 20-ին կառավարությունում ՀՀ գլխավոր դատախազի, հատուկ քննչական ծառայության պետի, ոստիկանության պետի, արդարադատության նախարարի, Ազգային ժողովի փոխնախագահի և մի շարք այլ բարձրաստիճան պաշտոնյաների, ինչպես նաև ՀՀ մարդու իրավունքների պաշտպանի ներկայությամբ հայտարարեց, թե «Ազգային ժողովում պետք է տեղի ունենա օրենսդրական համապատասխան աշխատանք՝ մեր երկրի համար կենսական այս օրակարգը կյանքի կոչելու և Հայաստանում իրապես երաշխավորված անկախ դատական համակարգ ունենալու համար»:
Հայաստանում իրապես երաշխավորված անկախ դատական համակարգ ունենալու, դրա անհրաժեշտության մասին խոսեց մի մարդ, որը դրա նախօրեին հրապարակայնորեն հանդես եկավ Հայաստանի բոլոր դատարանների մուտքերը շրջափակելու և դրանում անձամբ իր մասնակցությունը հավաստող հակասահմանադրական կոչով: Ավելին՝ հաջորդ օրը դատարանների մուտքերը շրջափակելու, դատավորների ու դատարանների նկատմամբ հակասահմանադրական ու կոպիտ ճնշում գործադրողների թվում եղել են նաև ՀՀ Ազգային ժողովի պատգամավորներ և կառավարության անդամներ, դատարաններից մեկի մոտ ներկա է եղել նաև անձամբ ինքը՝ վարչապետ Նիկոլ Փաշինյանը:
Հայաստանում իրապես երաշխավորված անկախ դատական համակարգ ունենալը կենսական օրակարգ համարելով՝ դրա անհրաժեշտության մասին խոսեց մի մարդ, որը դրանից ընդամենը մեկ-երկու րոպե առաջ հայտարարեց. «Մարդու իրավունքների եվրոպական դատարանների որոշումներով հաստատված քաղաքացիների իրավունքների կոպիտ խախտումներով դատավճիռների հեղինակ բոլոր դատավորները պետք է հրաժարական տան, հեռանան կամ հեռացվեն պաշտոններից»:
Իհարկե, յուրաքանչյուր ազնիվ, արդարադատությամբ շահագրգիռ մարդ դեմ է դատարանների կողմից քաղաքացիների իրավունքների կոպիտ խախտումներին, սակայն խնդիրն այն է, թե Փաշինյանի հիշյալ հայտարարությունից հետո Մարդու իրավունքների եվրոպական դատարանը, այդ դատարանի դատավորներն իմանալով, որ իրենց վճիռներից է կախված հայաստանյան դատավորների ճակատագիրը, այդ իրադրությունը կհամարեն մարդու իրավունքների կոպիտ խախտում: Օրինակ՝ ՄԻԵԴ-ը հայտնի է ԼԳԲՏ (լեսբուհիներ, գեյեր, բիսեքսուալներ, տրանսվեստիտներ) անձանց նաև չակերտյալ իրավունքների պաշտպանությամբ, և եթե մեր երկրի դատավորները հաշվի չառնեն այս հանգամանքը ու նույն կերպ չվարվեն, ապա, ըստ Փաշինյանի հայտարարության, իրենց պաշտոններից հեռացվելու են: ՀՀ վարչապետը իր վերոնշյալ հայտարարությամբ ոտնահարեց ՀՀ դատական համակարգի կամ իշխանության անկախությունը՝ այն կախման մեջ դնելով Մարդու իրավունքների եվրոպական դատարանի վճիռներից ու որոշումներից»,-գրում է թերթը:
Նյութն ամբողջությամբ կարդացեք թերթի այսօրվա համարում: