Туркманистонда Қадр кечаси муносабати билан амнистия эълон қилинди
Маҳаллий матбуотнинг билдиришича, президент бу борадаги фармонни 29 май куни имзолади.
“Мазкур амнистия Рамазон ойининг муҳим босқичи бўлган Қадр кечаси муносати билан берилди”, дейилади расмий хабарларда. Жорий йилда Қадр кечаси 31 майдан 1 июнга ўтар кечасига тўғри келмоқда.
Туркманистонда ҳар йили Рамазон ойида маҳбусларга амнистия бериш анъанага айланган.
Бердимуҳаммедов бундан олдин Наврўз муносабати билан март ойида 2000 маҳбусга амнистия берган эди.