АҚШда вазни 245 гарамм чақалоқ туғилди. Унинг ҳаёти сақлаб қолинди (ВИДЕ/О)
Клиника тарқатган хабарда, чақалоқ Сэйби деб аталган. Унинг ҳақиқий исми ота-онасининг илтимоси билан сир сақланмоқда.
Хабарда айтилишича, қизча 2018 йилнинг декабрь ойида, ҳомиладорликнинг 23-ҳафтасида туғилган. Туғриқ пайтида онанинг аҳволи оғирлашган, қизалоқнинг ҳаёти ҳам хавф остида бўлган.
Сэйбининг онасига кўра, шифокорлар муддатидан олдин туғилган чақалоқ яшаб кетишига ишонишмаган, шундай бўлса ҳам уни дарҳол интенсив терапия бўлимига жойлаштиришган. Шифокоррлар чақалоқнинг отасини қизи бир соат ичида вафот этишидан огоҳлантиришган. Аммо соатлар кунларга, кунлар эса ҳафталарга айланган ва қизалоқ яшаб қолган.
Сэйби 5 ой мобайнида шифокорлар назоратида касалхонада сақланди. Ҳозир унинг вазни 2 килони ташкил қилади. Уни уйга олиб кетишга рухсат берилган. Чақалоқнинг саломатлиги яхши.
Айова университети олимларининг билдиришларича, Сэйби шу кунгача ҳаёти сақлаб қолинган жаҳондаги энг кичик вазндаги чақалоқ бўлди.
Бундан аввал Япония пойтахти Токиода ҳам 268 грамм вазнга эга ўғил бола туғилгани хабар қилинган эди. Шифокорлар чақалоқни олти ой парваришлаб, унинг ҳаётини сақлаб қолишга эришганлар.