Koktebelde kanalizatsiya suvları doğru deñizge töküle edi
Koktebelde mayısnıñ 3-nde kanalizatsiya suvlarını doğru deñizge tökken ruhsetsiz qurulğan kanalizatsiya borusı yoq etildi. Bu aqta qasabanıñ Rusiye memuriyeti yolbaşçısı Valentina Prohorenko Facebookta bildirdi.
«Rusiye tabiat nezaretiniñ laboratoriyası bugün suv ve qumnı talillerge aldı, mayısnıñ 6-nda qabaatlılarnıñ memuriy mesüliyetke çekilmesi devam etecek ve izinsiz qoyulğan kanalizatsiya sisteması yoq etilecek», – dep yazdı Prohorenko.
Qırımdaki Rusiye akimiyeti çirkef suvlarını temizlev problemini bir qaç yıldan berli al etmege vade ete. Temizlev inşaatlarnıñ leyhaları 2020 senesine qadar federal maqsad programmasında mevcuttır. Olar olmağanı içün qırımlılar öz aquvlarını sağanaq kanalizatsiyalarına qoşa ve kanalizatsiya suvları deñizge tüşe.