Москвада киллерликка ёлланган йигит нишонни аниқ ура олмади ва қўлга тушди…
Айтишларича, яқинда полициячилар томонидан қўлга олинган 20 ёшли йигит аслида тор доирада рэпер сифатида машҳур экан. У ўзига «Княз» тахаллусини танлаган. Бир нечта қўшиқлари интернет тизимига жойлаштирилган. Аммо бу рэперга камлик қилган. У киллерликка ёлланиб рэп қўшиқларини шу йўл билан машҳурлаштиришни хоҳлаган. Ёлланган ҳам. Шартга кўра у қурилиш фирмаларидан бирининг ишчисини отиб ўлдириши лозим эди. Бу ҳаракатни катта кўчада содир этган. Тўппончадан нишонга қарата икки марта ўқ узган. Аммо ўқ нишонга тегмаган. Аксинча, ўқлардан бири ўткинчи аёлга тегиб, жиддий жароҳат билан касалхонага олиб кетилган. Ўлдирилиши лозим бўлган қурилиш фирмаси ишчиси эса «киллер»ни тутиб полиция қўлига топширган. Энди рэпер ўз қўшиқларини фақат турмадагина машҳур қилиши мумкин.