ქართველი მოჭიდავეები პატრიარქმა დალოცა

საქართველოს ბერძნულ-რომაული სტილით მოჭიდავეთა ნაკრების წევრები და ჭიდაობის ეროვნული ფედერაციის ხელმძღვანელობა პატრიარქმა დალოცა. მოჭიდავეები საპატრიარქოში 20 თებერვალს, საღამოს მივიდნენ. მათ შორის არ ყოფილა ევროპის ორგზის ჩემპიონი ზურაბ დათუნაშვილი, რომელიც უკვე თვეზე მეტია, ფედერაციის პრეზიდენტ გეგა გეგეშიძის თანამდებობიდან გადადგომას მოითხოვს.


რადიო თავისუფლების ინფორმაციით, დათუნაშვილსა და გეგეშიძეს შორის 11 იანვარს მომხდარი კონფლიქტი სპორტსმენების საპატრიარქოში სტუმრობის მიზეზი არ ყოფილა. ბერძნულ-რომაული სტილით მოჭიდავეთა ნაკრები 21 თებერვალს, გამთენიას უნგრეთიის გრან პრიზე გაემგზავრა და პრესტიჟული საერთაშორისო ტურნირის წინ სპორტსმენები პატრიარქმა დალოცა.