Украина БМТни тинчлик миссиясини амалга ошириш режасини ишлаб чиқишга чақирди
Порошенкога кўра, Украина Россия агрессиясига барҳам бериш мақсадида мамлакат шарқида БМТ мандати остидаги тинчликпарвар кучларни жойлаштириш масаласини кўриб чиқишга тайёр.
-Россия Қримни босиб олди, кейин Донбассни жанг майдонига айлантирди.Шундан сўнг Азов денгизида, Қора денгизда, Керчь бўғозида ўз агрессиясини давом эттирди. Натижада, тасаввур қилинг, Украинанинг 44 минг квадрат километр ёки 7 фоиз ҳудуди, Қрим, Донецк ва Луганск вилоятларининг шарқий қисмларини қўшиб ҳисоблаганда, Россия оккупацияси остида қолди. Россия агрессияси 13 минг одамнинг ўлимига ва 28 минг одамнинг яраланишига сабаб бўлди, - деди Порошенко.
12 февраль куни БМТ Хавфсизлик кенгашида сўзга чиққан БМТ бош котиби ўринбосари Мирослав Енча 2015 йили имзоланган Минск битимига амал қилинишига эришишга ҳамда Украина шарқида тинчлик ўрнатишга қаратилган уринишлар ўз кучини йўқотиб бормоқда.деб айтган эди. Унга кўра, на Россия, на Украина кейинги қадамлар бўйича келишувга эришишга ҳозир эканини тасдиқламаган.
Минск келишувларида тўқнашувларни тугатиш учун кўрилиши керак сиёсий чоралар, жумладан, сайловлар кўрсатилган. Аммо Россия ва Украина бир-бирини келишув шартларини бузишда айблаб, уларга тўлиқ амал қилмай келади.
Минск музокараларида АҚШ тўғридан-тўғри иштирок этмади. Шундай бўлса-да, Вашингтон можарога барҳам беришда кўмаклашиш учун махсус вакил тайинлаган.