Укучылар инглиз телендә җырлый
Бүген Риза Фәхреддин исемендәге 1 нче гимназиядә инглиз телен белүчеләр арасында “Drama Debate Festival” дигән I төбәк фестивале узды.
Лениногорск районы, Әлмәт һәм район мәктәпләреннән инглиз телен су урынына эчкән укучылар үзара көч сынашты. Чит телдә җырлар, биюләр, матур сөйләм, шигырь сөйләү булды, хәтта театр куйдылар. Мондый чара Әлмәттә беренче тапкыр узды. Аны киләчәктә тагын да киңәйтеп, Татарстанның башка районнарын да җәлеп итәргә планлаштыралар.