Лениногорскиның 7 нче мәктәбендә татар теле һәм әдәбияты атналыгын йомгаклау кичәсе
13 нче апрельдән 20 нче апрельгә кадәр мәктәбебездә татар теле һәм әдәбияты атналыгы булып үтте. Атна буе күп төрле конкурслар үткәрелде. Төркемнәр арасында “Тамчы шоу”, “Могҗизалар кыры” кебек интеллектуаль уеннар уздырылды, дип хәбәр итә 7 нче мәктәп сайты.
Бу уеннарда укучылар үзләренең тапкырлыкта, зирәклектә көчләрен сынадылар, үзләренең белемнәренең сыйфатын тикшерделәр. 20 нче апрель көнне атналыкны йомгаклау тантанасы булды. Актив катнашучы һәм призлы урын алучы укучыларны грамоталар белән котладылар. Бәйрәм “Туган тел” җыры белән тәмамланды.