Զբոսաշրջային պորտալը նշել է 2018-ի աշխարհի ամենահայտնի տեսարժան վայրերը
Զբոսաշրջային ուղեցույց հանդիսացող Tripadvisor հեղինակավոր կայքի վարկանիշի համաձայն՝ աշխարհի 2018-ի ամենահայտնի տեսարժան վայրն է դարձել Հռոմի Կոլիզեումը:
Ինչպես ներկայացնում է Euromag-ը, երկրորդ տեղը նույնպես Իտալիային է բաժին ընկել, մասնավորապես՝ Վատիկանի թանգարաններին: Առաջատար եռյակը եզրափակում է Նյու Յորքի Ազատության արձանը:
Այս տարվա աշխարհի ամենատեսարժան վայրերի առաջատար տասնյակում տեղ են գտել նաև Փարիզի Լուվր թանգարանը, Էյֆելյան աշտարակը, Բարսելոնայի Սուրբ ընտանիքի տաճարը, Սան Ֆրանցիսկոյի Ոսկե դարպասներ կամուրջը, բրիտանական Սթոունհենջը, Վերսալը, Վենետիկի Մեծ ջրանցքը:
Հիշեցնենք, որ վերջերս հնդիկ զբոսաշրջիկը Հռոմ կատարած այցելության ժամանակ Կոլիզեումից մի կտոր էր պոկել, որպեսզի իր հետ տանի որպես հուշանվեր, սակայն ձերբակալվել էր ոստիկանության կողմից: