Գրոհայինները կրկին արկակոծել են Հալեպը
Սիրիայում ահաբեկչական խմբավորումների գրոհայինները կիրակի՝ նոյեմբերի 23-ին, հերթական անգամ արկակոծել են Հալեպ քաղաքի բնակելի թաղամասերը, այս մասին հաղորդում է РИА Новости-ն՝ քաջատեղակ աղբյուրներին հղումով:
«Ակաբեկչական խմբավորումները մի քանի արկով արկակոծել են ազ-Զահրա շրջանն ու Նիլ փողոցը», - հայտնել է գործակալության աղբյուրը՝ հավելելով, որ տուժածների մասին առայժմ տեղեկություններ չեն հաղորդվել:
Ռուսաստանի Դաշնության պաշտպանության նախարարությունն ավելի վաղ հաղորդել էր, որ գրոհայինները շաբաթ՝ նոյեմբերի 24-ին, արկակոծել են Հալեպի բնակելի թաղամասերը՝ կրառելով թունավոր քիմիական նյութեր պարունակող արկեր:
Հալեպի տուժած շրջաններ են ժամանել ռուս ռազմական քիմիկոսները՝ օգնություն ցուցաբերելու տուժած քաղաքացիներին: Հաղորդվում է, որ 73 տուժածից 8-ը դեռ գտնվում են բժիշկների հսկողության տակ: Նրանցից երկուսի վիճակը գնահատվում է ծանր: