Ալյասկայում արթնացել է Վենիամինովի հրաբուխը (տեսանյութ)
Ալյասկայում արթնացել է Վենիամինովի հրաբուխը, որից ժայթքող մոխրի բարձրությունը հասնում է մինչև 5 կմ-ի: Այս մասին հայտնում է Корреспондент-ը՝ վկայակոչելով Ալյասկայի հրաբխային աստղադիտարանը:
Թերակղզու մի հատվածում օդային տարածքն ամբողջությամբ փակվել է թռիչքների համար. ավիացիայի համար «կարմիր» նախազգուշացում է տրվել: Մոխրի ամպերը քամին քշում-տանում է դեպի հարավարևելյան շրջաններ:
Վենիամինովի հրաբուխն Ալյասկայի ամենաբարձր գագաթն է և գտնվում է թերակղզու կենտրոնում: Փերիվիլ մոտակա բնակավայրը գտնվում է հրաբխից 40 կմ հեռավորությամբ: Այնտեղից երևում են մոխրի ժայթքումները:
Վենիամինովի հրաբուխն սկսել է ժայթքել սեպտեմբերի 4-ին, սակայն վերջին մեկ օրում հրաբխի ակտիվությունը զգալիորեն մեծացել է: Հզոր ժայթքումներ են դիտվել 1939-ին, 1956-ին և 1983-ին:
Տեսանյութն՝ այստեղ: