IFAB-ն առաջարկել է փոփոխություններ մտցնել փոխարինման և հետխաղյա 11-մետրանոցների կանոնակարգում

Ֆուտբոլային միությունների միջազգային խորհուրդն (IFAB) առաջարկել է մի քանի փոփոխություն մտցնել խաղի կանոնների մեջ, հաղորդում է BBC Sport-ը:

 

1. Ֆուտբոլիստները, որոնց փոխարինում են, պետք է լքեն խաղադաշտը մոտակա եզրային կամ ճակատային գծից, այլ ոչ թե գնան դեպի տեխնիկական գոտի: Դրա օգնությամբ կազմակերպությունը ցանկանում է կրճատել այն ժամանակը, որը կողմերը ծախսում են փոխարինումների ժամանակ: 

 

2. Առաջարկվում է փոփոխել հետխաղյա 11-մետրանոցների ձևաչափը: Թիմերը կիրացնեն 11-մետրանոցները ոչ թե հերթականությամբ, այլ «ABBA» սխեմայով: 

 

3. Ավելի մանրամասն ձևակերպել «ձեռքով խաղ» հասկացությունը:

 

4. Սեփական դարպասին նշանակված 11-մետրանոցի ժամանակ դարպասապահները կարող են մեկ ոտքը թողնել դարպասային գծի վրա: 

 

5. Թիմերը կարող են խաղարկել ազատ հարվածը սեփական տուգանային հրապարակից: 

 

6. Ակումբների պաշտոնական դեմքերը ոչ մարզական պահվածքի համար կարող են պատժվել դեղին կամ կարմիր քարտով: 

 

Կանոնակարգում փոփոխություններ մտցնելու վերջնական որոշումը կընդունվի 2019 թվականի մարտին: