Քայլի Ջեներն ու Քիմ Քարդաշյանը 2018թ. նորաձևության աշխարհի ամենաազդեցիկ դեմքեր են ճանաչվել. Lyst
Նորաձևության ու ժամանակակից ոճի լուսաբանմամբ զբաղվող Lyst կայքը հրապարակել է «Նորաձևության տարի» ամենամյա վարկանիշը, համաձայն որի՝ 2018թ. նորաձևության աշխարհի ամենաազդեցիկ կանայք են ճանաչվել հեռուստաաստղեր Քայլի Ջեներն ու Քիմ Քարդաշյանը:
Աղբյուրը նկատում է, որ խորթ քույրերի կրած հագուստներին ու նորաձև պարագաներին են բաժին հասել 2018թ. ընթացքում Instagram-ում հագուստի, կոշկեղենի, պայուսակների ու այլ պարագաների վերաբերյալ որոնումների մեծ մասը:
Վարկանիշի տասնյակում են ներառվել նաև Քեմբրիջի դքսուհի Մեգան Մարքլը, ռեփեր Քարդի Բին, երգչուհի Բեյոնսեն, թենիսիստուհի Սերենա Ուիլյամսը, բլոգեր Կյարա Ֆերանյին, դերասանուհի Բլեյք Լայվլին, երգչուհիներ Ռիհանան ու Արիանա Գրանդեն:
Lyst-ը նշում է, որ աստղերն ու նրանց նախընտրած հագուստը համացանցում, մասնավորապես՝ Instagram-ում, օգտատերերի ոճային նախընտրությունների վրա ազդող գլխավոր ուժն են: