ԱՄՆ-ը դաշնակիցներին կոչ է արել հրաժարվել չինական Huawei ընկերության սարքավորումներից
ԱՄՆ կառավարությունը դիմել է դաշնակիցներին՝ կոչ անելով չգնել չինական Huawei ընկերության սարքավորումները: Միացյալ Նահանգները Huawei-ին կասկածում է գաղտնի լրտեսության մեջ, հաղորդում է The Wall Street Journal-ը:
Թերթը գրում է, որ ԱՄՆ նախագահի վարչակազմի աշխատակիցներն իրենց մտահոգությունների մասին արդեն տեղեկացրել են Գերմանիային, Իտալիային և Ճապոնիային:
Միացյալ Նահանգները հատկապես մտահոգված է, որ Huawei տեխնոլոգիաները կարող են կիրառվել այն երկրներում, որտեղ շոշափելի է ԱՄՆ ռազմական ներկայությունը:
Վաշինգտոնը դիտարկում է հնարավորությունը, որպես փոխհատուցում, ֆինանսական աջակցություն ցուցաբերել այն պետություններին, որոնք կհրաժարվեն Huawei սարքավորումների օգտագործումից: