Սանտա Կլաուսի հետ հանդիպումը հետաձգվում է. Լապլանդիայում դեռ ձյուն չի եկել
Ֆինլանդիայի հյուսիսում գրանցված չոր եղանակն անհանգստացրել է տուրօպերատորներին: Սանտա Կլաուսի կեցավայրում, որը համարվում է երկրի տեսարժան վայրերից մեկը, դեռևս ձյուն չի եկել: Այդ մասին հաղորդում է CNN-ը:
Աղբյուրը նշում է, որ Ֆինլանդիայում տարվա այս եղանակին ռեկորդային բարձր ջերմաստիճան է գրանցվել:
Ամեն տարի հազարավոր ընտանիքներ են գալիս Ռովանիեմի՝ տեսնելու Սանտա Կլաուսի կեցավայրը: Այս տարի հավանականությունը մեծ է, որ ձմեռվա գլխավոր հրաշագործին այցելել չի հաջողվի: Մի քանի տուրօպերատորներ հետաձգել են ուղևորությունների և էքսկուրսիաների ժամկետները`խոստանալով վերադարձնել տոմսերը, եթե իրավիճակը չփոխվի:
Ֆինլանդիայի օդերևութաբանական ինստիտուտի կանխատեսումներ համաձայն, հրաշք դեռ կարող է տեղի ունենալ, և առաջիկա օրերին հնարավոր է, որ այդ վայրերում ձյուն գա: