Интерпол президенти этиб Жанубий Корея вакили сайланди
Прокопчукнинг номзодига АҚШ, Украина, Литва, Россия мухолифати вакиллари, шунингдек, Россия ҳукумати томонидан таъқибда бўлган британиялик молиячи Уильям Браудер қарши чиқди. Уларнинг баёнот беришича, Халқаро жиноий полиция ташкилотига (Интерпол) халқаро ҳуқуқни бузаётган мамлакат вакили раҳбарлик қила олмайди. Прокопчук номзодига қарши чиққанлар Кремль бу лавозимдан фойдаланган ҳолда сиёсий мухолифларини таъқиб қилиш ва қасд олишидан хавотир билдирди.
Ким Чен Ян шу кунга қадар Интерполнинг муваққат раҳбари вазифасида ишлаб келаётган эди. У бу лавозимни Халқаро жиноий полиция ташкилоти раҳбари Мэн Хунвэй истеъфога чиққанидан кейин эгаллаган.
Мэн Хунвей Хитойда коррупция айби бўйича ҳибсга олинган эди.