Թրամփը հայտարարել է, որ նախագահ լինելու պատճառով հսկայական կարողություն է կորցրել
Միացյալ Նահանգների նախագահ Դոնալդ Թրամփը հայտարարել է, որ վերջին տարիներին քաղաքականությամբ զբաղվելու պատճառով հսկայական կարողություն է կորցրել, գրում է korrespondent.net-ը:
Թրամփը բացատրել է, որ չի կարող միաժամանակ բիզնես վարել ու կատարել երկրի նախագահի պարտականությունները, հետևաբար՝ ստիպված է եղել գնալ մի ամբողջ կարողությունից հրաժարվելու զոհողությանը:
«Նախագահությունն ինձ մի ամբողջ կարողություն արժեցավ, և ես դրան նորմալ եմ վերաբերվում, ես վաղուց գիտեի, որ այդպես է լինելու», - ասել է Թրամփը լրագրողների հետ զրույցում:
Նա նաև խոստացել է, որ օրերից մի օր կհայտնի իր կորցրած ահռելի կարողության հստակ չափը:
Թրամփն ավելի քան 30 տարի ընդգրկված է Forbes-ի վարկածով ամենահարուստ ամերիկացիների վարկանշային ցանկում: Նախընտրական քարոզարշավի ժամանակ նա հայտնել էր, որ իր կարողությունը գերազանցում է 10 մլրդ դոլարը: