Սիրիայի Լաթաքիա և Համա նահանգներում կրկին հրադադարի պահպանման ռեժիմի խախտման դեպքեր են գրանցվել
Սիրիայի Լաթաքիա և Համա նահանգներում գրանցվել են հրադադարի պահպանման ռեժիմի խախտման դեպքեր: РИА Новости-ի փոխանցմամբ՝ այս մասին հաղորդել է Սիրիայում հակամարտող կողմերի հաշտեցման կենտրոնի ղեկավար, գեներալ-լեյտենանտ Վլադիմիր Սավչենկոն:
Սավչենկոյի խոսքով՝ մեկ օրվա ընթացքում զինյալները կրակ են բացել Լաթաքիայի Իկկո և Համայի Թել-Բազամ ու Մաան բնակավարերի ուղղությամբ: Ընդ որում՝ Մաանը գնդակոծվել է երկու անգամ:
Նա հավելել է, որ հաշտեցման ռուսական կենտրոնը անօրինական զորամիավորումների հրամանատարներին կոչ է անում հրաժարվել զինված սադրանքներից և բռնել իրավիճակի խաղաղ կարգավորման ուղին:
Սավչենկոն նաև հաղորդել է, որ կենտրոնի ներկայացուցիչները երկու հումանիտար ակցիա են անցկացվել Դեյր-էլ-Զոր և Համա նահանգների որոշ բնակավայրերում, որտեղ բաժանվել է 3.9 տոննա մթերք: