Банктан акча урлану факты буенча суд тыңлаулары башланды
Зәй шәһәр судында бүген “Ак барс” банкының җирле бүлекчәсеннән зур суммада акча урлану факты буенча кузгатылган җинаять эше буенча беренче тыңлаулар үтте. Исегезгә төшерәбез, “Ак барс” банкының Түбән Кама филиалы 1нче Зәй өстәмә бүлеге кассирының 17 миллион 944 мең сум акча урлауда шикләнелүе буенча Россия Эчке эшләр министрлыгының Зәй бүлеге тикшерү комитеты җинаять эше кузгаткан иде. Бу җинаятьне кылуда шикләнелүче ханым бүген суд каршына басты, ул үзенә карата булган гаепләүне танымый. Суд аны әлегә 19 майга кадәр сак астында калдыру карарын чыгарды.