"Реал" бош мураббийлигига яна бир кутилмаган номзод пайдо бўлди

Мадриднинг “Реал” клуби раҳбарияти истеъфога чиқишга жуда яқин турган бош мураббий Хулен Лопетегининг ўрнига яна бир муносиб номзод топиб қўйди. Fichajes.com сайти тарқатган хабарга кўра “қироллик клуби” ушбу лавозимга Бельгия терма жамоаси бош мураббийи Роберто Мартинеснинг номзодини ҳам кўриб чиқишмоқда. “Реал” раҳбариятини 45 ёшли мутахассиснинг бельгияликлар билан эришган муваффақиятлари қизиқтириб қўйган. Маълумот учун, Роберто Мартинес фаолияти давомида шунингдек "Суонси", "Уиган" ва "Эвертон" каби клубларни ҳам бошқарган. Эслатиб ўтамиз, бундан аввалроқ "Реал" ушбу лавозимга италиялик Антонио Конте билан музокаралар олиб бораётгани ҳақида хабарлар тарқалган эди.