Керла iPad а, Mac mini а гойтур ю Apple кху беттан 30-хь

Apple Inc. компани дагахь ю шен Mac комьютеран а, iPad-ан а керла версеш гайта. И мероприяти хир ю Нью-Йоркехь ГIадужу-беттан 30-чохь. Цунах лаьцна хаам бина "Интерфаксо", CNBC порталана тIе а тевжаш.


Компанино дIакхайкхийна шен керла дивайсаш гойтур йолу хан а, меттиг а, амма эксперташна хета Apple-о гойтур ерш билггала МаcBook Air a,11-дюйм экран йолу iPad Pro а, керла Mac mini а ю аьлла.


Гайтам болалур бу меттигерчу хенаца 10 сахьт даьлча (17:00 СОЬЛЖ).