Sedletska-nın telefonuna çıxış qadağası uzadılıb
AİHM sentyabrın 18-də bir aylıq aralıq qərarı çıxarıb. Ukrayna hakimiyyətinə göstəriş verib ki, hakimiyyətin jurnalistin telefonunda hər hansı məlumata çıxışını əngəlləsin.
Bu qərar Sedletska-ya imkan verir ki, müstəntiqlərin onun telefonundakı məlumatlara baxmasına icazə verən məhkəmə qərarına qarşı tam şikayət hazırlaya bilsin.
Avqustun 27-də Kiyevin Peçersk Dairə Məhkəməsi Baş Prokurorluğun vəsatətini təmin edib, müstəntiqlərə icazə verib ki, jurnalistin mobilində 2016-cı il iyulun 1-dən, 2017-ci il noyabrın 30-dək olan məlumatların hamısını nəzərdən keçirsinlər.
Bu qərar bir cinayət işi çərçivəsində çıxarılıb. Ukrayna Milli Antikorrupsiya Bürosunun direktoru Artem Sytnyk-in 2017-ci ildə jurnalistlərə dövlət sirrini sızdırmasına dair iddialar araşdırılır.
Sedletska AzadlıqRadiosu-nun Ukrayna Xidməti ilə Ukrayna İctimai Televiziyasının “Sxemlər” antikorrupsiya proqramının aparıcısıdır.