Пентагон Путиндин сөзүнөн күмөн санады
Сочиде 18-октябрда өткөн "Валдай" клубунун жыйынында Путин барымтадагылардын арасында бир нече америкалык жана европалык жарандар да бар экенин айткан.
Ал ошондой эле АКШнын колдоосуна ээ Сириянын демократиялык күчтөрүнүн карамагындагы Евфрат дарыясынын сол жээгиндеги аймакта "Ислам мамлекети" террордук тобунун согушкерлери күчтөнүп жатканын кошумчалады.
Путин согушкерлер өз шарттарын коюп, эгер аткарылбаса күндө ондон адамды жок кылышарын эскерткенин айтты.
Орусиянын мамлекеттик ТАСС агенттиги 17-октябрда атын атабаган дипломатиялык булактарына таянып, согушкерлер 13-октябрда Дейр-аз-Зор провинциясындагы качкындар лагериндегилерди барымтага алганын жазды.
АКШнын Коргоо министрлигинин маалымат катчысы Шон Роберстон алардын бул тууралуу маалыматы жок экенин айтты.
"Биз өткөн аптада Дейр-эз-Зордон алыс эмес жердеги качкындар лагерине кол салуу болгонун ырастаганыбыз менен, Путин айтып жаткан барымтага алынган адамдар тууралуу маалыматыбыз жок. Анын сөздөрү күмөн жаратат", - деген Шон Робертсон ал лагерде америкалык жарандар болбогонун ырастады.