11 ოპოზიციური პარტიის გაერთიანებამ „ძალა ერთობაშია“ საქართველოს ცენტრალური საარჩევნო კომისია(ცესკო) დაადანაშაულა უკანონო გადაწყვეტილების მიღებაში. ამ გადაწყვეტილებით, პრეზიდენტობის კანდიდატი გრიგოლ ვაშაძე კენჭს იყრის "ნაციონალური მოძრაობის" სახელით. ოპოზიციური გაერთიანების ერთ-ერთი ლიდერის, გიორგი ვაშაძის ინფორმაციით, ცესკო-ს 28 სექტემბერს მიმართეს, რომ გრიგოლ ვაშაძეს საპრეზიდენტო არჩევნებში კენჭი ეყარა „ძალა ერთობაშია“-ს სახელით, რაზეც ორი დღის წინ უარი მიიღეს. „მაგალითად, ექვს საარჩევნო ოლქში, სადაც თვითმმართველობის არჩევნები ტარდება, ჩვენს მიერ წარდგენილი კანდიდატები მიიღებენ მონაწილეობას „ძალა ერთობაშია“-ს სახელით, ხოლო საპრეზიდენტო კანდიდატზე რომ დაწერილიყო იგივე სახელი, ამაზე ცენტრალურმა საარჩევნო კომისიამ უარი გვითხრა“, - განაცხადა ვაშაძემ. მისი შეფასებით, ცესკო-მ „ქართული ოცნების“ დავალება შეასრულა. გიორგი ვაშაძის თქმით, აბსურდი იქამდე მიდის, რომ ცესკო-ს თავმჯდომარემ მხარი დაუჭირა ამ მოთხოვნას, ხოლო ყველა დანარჩენმა წევრმა, რომლებსაც „ქართული ოცნება“ აკონტროლებს, უარი თქვა. „ძალა ერთობაშია“ ცესკო-ს გადაწყვეტილებას სასამართლოში გაასაჩივრებს.
