Ալավերդու պղնձաձուլական գործարանն այսօրվանից չի աշխատում, աշխատկիցները փակել են միջպետական ճանապարհը
Ալավերդու պղնձաձուլական գործարանն այսօրվանից տեխնիկապես չի աշխատում: Գործարանի աշխատակիցները 2 ժամ է փակ են պահում Ալավերդու միջպետական ճանապարհը: Այս մասին Tert.am-ի հետ զրույցում հայտնեցին Ալավերդու քաղաքապետարանից:
«Գործարանի աշխատակիցները պահանջում են, որպեսզի գործարանը չփակվի, ուսումնասիրվի փակման պատճառը բնապահպանական, թե ֆիանանսական խնդիրներով է պայմանավորված: Այլ մանրամասների չեմ տիրապետում, քաղաքապետը և քաղաքապետարանի աշխատակիցները գտնվում են բողոքի ակցիայի վայրում: Այս հարցը մեր ուշադրության կենտրոնում է», - նշեց քաղաքապետրանի աշխատակազմի ներկայացուցիչը:
Հիշեցնենք, որ մամուլում շրջանառվող տեղեկությունների համաձայն գործարանն այլևս չի աշխատելու ֆինանսական խնդիրների պատճառով, իսկ չմարած պարտքերի պատճառով հանդիսանում ՎՏԲ-Հայաստան բանկի սեփականությունը: Գործարանի փակման դեպքում 630 աշխատակից կզրկվի աշխատանքից:
Գործարանի աշխատկիցները կառավարությանը մի շարք առաջարկներ են ներկայացրել, նախատեսվում է, որ Ալավերդու պղնձաձուլական գործարանի սեփականատեր Վալերի Մեջլումյանի և փոխվարչապետ Տիգրան Ավինյանը պետք է հանդիպեն հարցերը քննարկելու համար: