Россия президенти Тошкентга етиб келди
Пойтахт аэропортида президент В.Путинни президент Ш.Мирзиёев шахсан кутиб олган. Шу ернинг ўзида давлат раҳбарларининг қисқа суҳбати бўлиб ўтган.
Путин ташрифи билан боғлиқ асосий тадбирлар 19 октябрга белгиланган.
Расмий хабарларга кўра, Ўзбекистон ва Россия президентлари ўзаро стратегик шериклик ва иттифоқчилик муносабатларини янада мустаҳкамлаш, ўзаро манфаатли ҳамкорлик доирасида янги қўшма лойиҳа ва дастурларни амалга ошириш истиқболларини муҳокама қилишади, халқаро ва минтақавий аҳамиятга молик масалалар юзасидан фикр алмашишади.
Ташриф якунида давлат раҳбарларининг Қўшма баёноти қабул қилиниши, йигирмата ҳужжат имзоланиши режаланган.