Ամերիկյան ընկերությունը նոր սմարթֆոն է մշակում, որն ինքնուրույն է պատասխանելու նամակներին
Ամերիկյան Essential ապրանքանիշը, որը հիմնադրել է Google-ի նախկին աշխատակից Էնդի Ռուբինը, որոշել է հեղափոխական սմարթֆոն թողարկել:
Ինչպես հայտնում է Bloomberg գործակալությունը, նորագույն գաջեթը ոչ միայն ներկայանալու է ինքնատիպ դիզայնով, այլ նաև կկարողանա ինքնուրույն պատասխանել էլեկտրոնային փոստի նամակներին:
Նոր նախագծի իրականացման համար ընկերությունը հետաձգել է տնային բարձրախոսների մշակումը:
Essential Phone-ի երկրորդ սերունդը, որի հիմնական շեշտադրումը եզակիությունն է, կներկայանա փոքր էկրանով և կաշխատի ձայնային կառավարման միջոցով:
Սմարթֆոնին «կսովորեցնեն» ինքնուրույն պատասխանել նամակներին և հաղորդագրություններին. միևնույն ժամանակ, օգտատիրոջ միջամտության կարիքը չի լինի:
Նորույթի թողարկման ժամկետները չեն նշվում: