ولسمشر غني له بهرنیو هېوادونو د زعفرانو د پیازو واردات منع کړل
د کرنې او مالدارۍ وزارت ویاند اکبر رستمي نن ازادي راډيو ته وویل، د زعفرانو او د زعفرانو د پیازو د وارداتو د مخنیوي پرېکړه جمهوري ریاست ته د کرنې، اوبو لګولو او مالدارۍ وزارت تر وړاندیز وروسته نیول شوې ده.
څه موده وړاندې د افغانستان د زعفرانو د تولیدوونکو ملي ټولنې غړو ولسمشر سره په لیدنه کې هېواد ته د زعفرانو او د زعفرانو د پیازو د وارداتو د بندولو غوښتنه کړې وه.
همداراز د کرنې وزارت وایي چې د زعفرانو او د هغه د پیازو واردات د افغانستان د زعفرانو د ارزښت د ټیټولو او د زعفرانو د ګیاوو د ناروغیو واردولو لامل کېږي او د یاد مخ پر ودې صنعت په وده کې د ستونزې او خنډ لامل ګرځي.
یاد وزارت تېر کال د زعفرانو د تولید کچه له ۳.۵ ټنو څخه ۱۰.۶ ټنو او د زعفرانو د کرکېلې سیمهیې له یو زر او ۵۰ هکټاره، پنځه زره او ۲۰۵ هکټارو ته رسولې ده.