Չինացին $70 000-անոց BMW-ն գնել է տարիներ շարունակ հավաքած մետաղադրամներով, որոնք հաշվելու համար 10 ժամ է պահանջվել (տեսանյութ)
Չինաստանի Տունժեն քաղաքի կենտրոններից մեկում իրարանցում է առաջացել, երբ հաճախորդներից մեկը ցանկացել է 480,000 յուան ($70 000) արժողությամբ BMW մակնիշի մեքենայի համար վճարել մետաղադրամներով:
Ինչպես ներկայացնում է Oddity central-ը, տղամարդը, ում անունը չի նշվում, վաճառքի կենտրոն է եկել մետաղադրամներով լի բեռնատարով: Նշվում է, որ նա որպես ավտոբուսի վարորդ է աշխատել և հավաքել է մետաղադրամները երկար տարիների ընթացքում: Թղթադրամների հետ փոխանակելու փոխարեն չինացին դրանք իր տանն է պահել՝ հույս ունենալով, որ մի օր իր հավաքած գումարով կգնի իր երազած մեքենան:
Տեսնելով մեքենան, որն իսկապես հավանում է՝ նա մի քանի ընկերների հետ մի քանի ժամում հաշվել է ողջ գումարն ու խանութ ուղևորվել: Խանութի աշխատակիցները ևս դիմել են իրենց օգնականներին՝ 11 աշխատակցի կանչելով բանկից, որոնք 10 ժամ են ծախսել ողջ գումարը հաշվելու վրա:
Ըստ հաղորդվող տվյալների՝ 150 000 մետաղադրամն ընդհանուր առմամբ ավելի քան 900 կգ է կշռել: