БМТ Россия ва Туркиянинг Идлибда жанг қилмаслик қарорини олқишлади
-Биз бу келишувни хурсандичилик билан қабул қилдик. Уч миллион тинч аҳолининг ҳаётига таҳдид туғдираётган бешафқат уруш тўхтатилди. Бу дипломатиянинг кучидан дарак беради,-деди БМТнинг Сурия бўйича махсус элчисининг расмий вакили Ян Эгелан 20 сентябрда матбуотга берган интервьюсида.
Россия ва Туркия президентлари Сочида 17 сентябрда ўтган учрашувда Суриянинг Идлиб вилоятида ҳарбий амалиёт ўтказиш қароридан воз кечди.
Бундан аввал АҚШ, Туркия, Европа Иттифоқи ва БМТнинг гуманитар бўҳрон юзага келиши мумкинлиги тўғрисидаги огоҳлантиришларига қарамай, мухолифатнинг сўнгги таянчи бўлган Идлибга қилинган дастлабки ҳужумларда Россия учоқлари Сурия ҳарбийлари билан ҳамкорликда иштирок этган эди.
Владимир Путин ва Режаб Тоййип Эрдўғон Идлиб вилоятида ҳукумат ва мухолифат қуролли кучларини бир-биридан ажратиб турувчи демилитация қилинган буфер зонани ташкил этиш тўғрисида келишиб олди.